અમે તત્પર તમે તત્પર,ઉભા છો કેમ થોભીને ?...
નદીની જેમ, બસ ક્યારેક આવી જાવ દોડીને..
બધા નિયમો - બધા છન્દો, બધા બન્ધનને તોડીને,
ગઝલ લખવી હતી મારે બધાયે શબ્દ છોડીને...
બધો વિસ્તાર ને વ્યવહાર કે ઘટમાળ, ત્યૌહારો
વિકલ્પો છે અભાવોના નકામા સૌ પ્રયોજીને..
તુરો સ્વાદે - અને કોરો હવાઓના વમળ જેવો
હ્રદયમાં છે જે ખાલીપો, ભરી દો આપ શોધીને
તમારો ભાસ ને આભાસ થૈ ઘેરી વળે પડઘા
થવું છે તરબતર આ જાતને તેમા ઝબોડીને.
-કુ. કવિ રાવલ