ભવ્યતા લાગે ભયાનક શક્ય છે
શક્યતા સામે પરાજય શક્ય છે.

સ્પષ્ટતા કરવી ઘણીએ હોય પણ -
સાવ થઇ જાઓ અવાચક શક્ય છે..

પ્રેમની પેચીદગીને તો જુઓ -
કારણો એના અકારણ શક્ય છે..

ખૂશ છે ભૂલી જઈને એ બધું -
ઢોંગ કરતા હો મહાશય શક્ય છે...

બોલવાની રીત બદલે અર્થને
શબ્દમાં નાં હો તફાવત શકય છે..

માર્ગમાં છુટ્ટા પડેલાં હોય જે -
તે મળે સામે અચાનક શક્ય છે..

જિંદગીભર માન્યું હો જેને ગલત
અંતમાં લાગે બરાબર શક્ય છે..


કુ. કવિ રાવલ