સુખ, શાન્તિનો પેગામ છે ગુજરાત આ.
સુન્દર અને ગુણવાન છે ગુજરાત આ.


ગાન્ધી અને સરદારનો ધરતી મહીં -
બસ ગૂંજતો લલકાર છે ગુજરાત આ


આબોહવા, ખેતી, વિવિધતા માત્ર નૈ
પણ પ્રેમથી ધનવાન છે ગુજરાત આ.


વેપાર, ઉદ્યોગો, કલા, સંસ્કૃતિ, બળ,
વિકાસનું એલાન છે ગુજરાત આ.


હિન્દુ, મુસલમા, શીખ, ઈશા, પારસી
સૌનુ અનુસન્ધાન છે ગુજરાત આ.


રંગીન,ભોળા,શાન્ત મનના માનવી
ને એમની પહેચાન છે ગુજરાત આ.


સંભાળજો - શણગારજો, સહકારથી,
બસ એટલું આહવાન છે ગુજરાત આ.


સપના અહીં ને ભાવિ અહિયા આપણું
સૌ લોકનું અરમાન છે ગુજરાત આ.


ગુજરાતના છીએ બધાયે આપણે
ને આપણું સન્માન છે ગુજરાત આ.




કુ. કવિ રાવલ.